ആർ ശങ്കരനാരായണൻ തമ്പി

#ഓർമ്മ

ആർ ശങ്കരനാരായണൻ തമ്പി.

പ്രഥമ കേരള നിയമസഭയുടെ സ്പീക്കറായിരുന്ന ആർ ശങ്കരനാരായണൻ തമ്പിയുടെ (1911-1989)
ഓർമ്മദിവസമാണ്
നവംബർ 2.

തിരുവിതാംകൂർ യൂത്ത് ലീഗിൻ്റെ അംഗമായി ചെറുപ്പത്തിൽതന്നെ സ്വാതന്ത്ര്യസമര പോരാട്ടത്തിൽ പങ്കാളിയായ തമ്പി, വള്ളിക്കുന്നം ,ശൂരനാട് പ്രദേശങ്ങളിൽ കമ്മ്യൂണിസ്റ്റ് പാർട്ടി കെട്ടിപ്പടുക്കുന്നതിൽ പുതുപ്പള്ളി രാഘവനോടോപ്പം മുഖ്യ പങ്കു വഹിച്ചയാളാണ്.
ശ്രീമൂലം അസംബ്ലി, തിരുക്കൊച്ചി അസംബ്ലി (1954-56), കേരള നിയമസഭ (1957-59) എന്നിവയിൽ അംഗമായ തമ്പി സ്പീക്കർ പിന്നീട് തെരഞ്ഞെടുപ്പിൽ മത്സരിക്കാൻ പാടില്ല എന്ന നിലപാട് സ്വീകരിച്ചു മാറി നിന്നു.
പുതിയ കേരള നിയമസഭയിലെ ശങ്കര നാരായണൻ തമ്പി ഹാൾ ഈ മഹാൻ്റെ ഉചിതമായ സ്മാരകമാണ്. തമ്പിയുടെ പേരിലുള്ള ഫൗണ്ടേഷൻ എല്ലാ വർഷവും സ്മാരക പ്രഭാഷണവും സംഘടിപ്പിച്ചുവരുന്നു.
– ജോയ് കള്ളിവയലിൽ.